Miessemánu 8.beaivvi almmostahttojuvvo prošeakta ja neahttasiidu mii guoská oktasaš Davvi Kulturárbái. Prošeavtta áigumuš lea čohkket davvi kulturárbbi oktan geavaheddjiiguin, eaiggádiiguin, árbevirolašduojáriiguin ja hálddahusain
Sámediggi, Romssa fylkkasuohkan, Lulli-Romssa Musea ja Várdobáiki musea leat háliidit ovttasbarggu bokte loktet oktasaš kulturárbbi davvin. Áigumuš lea fárrolaga ásahit ráđđenbálvalusa mii nanne árvohuksema, orrunmovtta ja kulturguovddášhálddahusa njuovžilis čuovvoleami bokte báikkálaš eaiggádiiguin, ja cegget nanu báikkálaš gelbbolašvuođa. Lulli-Romsa lea válljejuvvon guorahallanguovlun álggahanvuorus.
Ovttasbarganprošeavtta guovddážis lea maid ásahit neahttasiiddu www.davvikulturarbi,no mii galgá bagadallat, ráđđet, inspireret, koordineret ja gulahallat eaiggádiiguin, geavaheddjiiguin ja duojáriiguin davvi kulturárbbis. Neahttaresursa galgá maid veahkkin cegget doaimmalaš fierpmádaga ja gealboloktema duojáriidda ja árbedihttiide geain lea árbemáhttu huksenvieruide.
Mii bovdet almmustahttinguossái miessemánu 8.beaivvi dii 12 – 14 Várdobáiki sámi guovddážii, Evenáššis. Mii bovdet min ovttasbargiid, min suohkaniid, báikkálaš organisašuvnnaid ja báikkálašolbmuid almmustahttimii.
Dii. 12 Buresboahtin Monica Dahl bokte, Fylkkakonserváhtor Romssa fylkkasuohkanis
- Prošeaktaalmmustahttin Runar Myrnes Balto bokte, Sámedikki ráđđeláhttu ja Kultuvrra ja dearvvašvuođa váldolávdegotti jođiheaddji Eirik Losnegaard Mevik bokte, Romssa fylkkasuohkan
- Neahttasiiddu vejolašvuođat Dag-Magnus Andreassen bokte, Konserváhtor Kulturárbi, Romsa Fylkkasuohkan
- Ovdanbuktin prošeavtta birra Kjartan Gran bokte, seniorráđđeaddi, Sámediggi oktan Frode Hansen, ossodatjođiheaddji Lulli-Romsa musea ja Thomas Ole Andersen, jođiheaddji Várdobaiki musea
Dii 13 Snoahpamuš – govvaráidu ja bargoreaidočájáhus
- Lulli-Romssa musea ovdanbuktá bargguideaset kulturárbbi oktavuođas
- Várdobáiki musea ovdanbuktá bargguideaset kulturárbbi oktavuođas
Dii 14 prográmma loahpahuvvo – vejolašvuohta viidáset humadit Várdobáiki sámi guovddážis.
